William Ruto Apandwa na Mori, Awalaani Vikali Waliomfokea Laikipia: “Wacheni Upuzi”

  • Kwenye video iliyoonekana na TUKO.co.ke, William Ruto alisikikika akiwapasha kwa ukali vijana huku akiwaonya dhidi ya kuuvuruga mkutano wake
  • Kwa hasira, alisema iwapo umati ulikereka na mkutano wake, basi wanafaa kuondoka na kuandaa mkutano wao kwingineko
  • Ruto alikuwa kwenye ziara yake ya kampeni katika maeneo ya Laikipia Mashariki na Magharibi, alipoahidi kukomesha wizi wa mifugo na mzozo unaolikumba eneo hilo

Mnamo Jumanne Disemba 7, Naibu Rais William Ruto alipandwa na hamaki katika Kaunti ya Laikipia, baada ya umati kuanza kumzomea wakati akiuza sera zake za mahasla.

William Ruto Apandwa na Mori, Awalaani Vikali Waliomfokea Laikipia: "Wacheni Upuzi"
William Ruto akifanya kampeni maeneo ya Laikipia mnamo Jumanne Disemba 7. Picha: William Ruto.
Source: Twitter

Kwenye video iliyoonekana na TUKO.co.ke, Naibu Rais alisikika akiwakemea vijana hao huku akiwaonya dhidi ya kuvuruga mkutano wake wa siasa.

Mpange mkutano wenu, wacheni upuzi. Hapana, no. Hapana, hapana, no, hatuwezi kukubali. Kwani mmekuja kutupigia makelele hapa. Mnaniskia…please tafadhali, tuwe na nidhamu. Msikuje kunipigia makelele kwa mkutano yangu.” Ruto alisema kwa hamaki.

Ruto aliyekuwa kwenye ziara yake ya kampeni katika maeneo ya Laikipia Mashariki na Magharibi, aliahidi kukomesha wizi wa mifugo uliokithiri na kumaliza mzozo unaolikumba eneo hilo.

Read also

Ruto Aashiria Kumchagua Rigathi Gachagua kuwa Mgombea Mwenza Wake 2022

Tunapaswa kukomesha mzozo unaotokana na rasilmali kama vile malisho na maji. Hii inamaanisha kuwekeza kwa wafugaji katika maeneo tofauti ili kuhakikisha wana maji ya kutosha kwa mifugo yao. Tunapaswa kuwapa wakulima ruzuku kwa bidhaa za ukulima, ili waweze kuzalisha mazao ya kutosha na kupata faida,” Naibu Rais alisema.

Read ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.

Source: Tuko Breaking News

LEAVE A REPLY

Please enter your comment!
Please enter your name here