“UDA si Mali Yako Binafsi”: Gavana Waiguru Amwambia Wangui Ngirici

  • Ngirici analalamika kuhusu hatua ya Gavana Waiguru kuingia nyumba ya UDA na kuanza kufurahia licha ya kuwa hakuhusika katika ujenzi wake
  • Gavana huyo naye amemjibu akisema ni lazima milango iwekwe wazi kwani UDA si mali ya mtu binafsi
  • Tofauti kati ya wawili hao zinatishia kusambaratisha umoja wa chama hicho cha DP katika kaunti ya Kirinyaga

Gavana wa Kirinyaga Ann Waiguru na hasimu wake Wangui Ngirici wanaendelea kurushiana cheche kali za maneno.

"UDA si Mali Yako Binafsi": Gavana Waiguru Amwambia Wangui Ngirici
Gavana Ann Waiguru na wandani wa DP Ruto waliomkaribisha UDA. Picha: Kihika
Source: Facebook

Ngirici amekuwa akimshambulia Waiguru baada yake kuingia UDA akisema amekuwa akimpaka tope naibu rais William Ruto.

Alimtaka kuwa mpole ndani ya UDA kwanza kwani hakuhusika katika kuiunda na kuipigia debe.

Kwa mujibu wa Ngirici, yeye ndiye amefanya kazi kuunda chama hicho Kirinyaga na baada ya kuwa maarufu Waiguru amekuja kuvuna matunda.

Hata hivyo, Waiguru anasema UDA ni chama cha kitaifa na hivyo hakuna mtu anayefaa kuwabagua wengine.

Akiongea Alhamisi Novemba 25 katika makao rasmi ya gavana eneo la Kagio baada ya kukutana na wahudumu wa bodaboda, gavana huyo alisema ana haki ndani ya UDA.

Read also

“Inaniuma Nikikumbuka Nilivyowekeza Kujenga UDA”: Wangui Ngirici Asema

“Hii ni siasa na huwezi kunibagua eti kwa sababu nilichelewa kuingia. Kwanza ni lazima ujue si wewe unaamua ni nani atachaguliwa, wapiga kura ndio wataamua,” alisema Waiguru

Source: Tuko Newspaper

LEAVE A REPLY

Please enter your comment!
Please enter your name here