Mwanamke Kutoka Nyeri Afariki Dunia Kanisani Mombasa Akisubiri Maombi ya Pasta

  • Grace Waithera Muchiri alisafiri kutoka Nyeri kutafuta maombi ya Mwinjilisti Ezekiel Odero wa kanisa la New Life huko Shanzu
  • Hata hivyo alipoteza maisha yake nje ya kanisa hilo kabla hata ya kuonana na mchungaji

Mwanamke mwenye umri wa miaka 58 ameaga dunia kanisani alikokuwa ameenda kutafuta maombi baada ya kugundulika kuwa ana maumivu ya kifua na shinikizo la damu.

Mwanamke Kutoka Nyeri Afariki Dunia Kanisani Mombasa Akisubiri Maombi ya Pasta
Eneo ,a tukio. Picha: Getty Images.
Source: Depositphotos

Grace Waithera Muchiri alisafiri kutoka Nyeri kutafuta maombi ya Mwinjilisti Ezekiel Odero wa kanisa la New Life huko Shanzu.

Hata hivyo kulingana na ripoti ya K24, alipoteza maisha yake nje ya kanisa hilo kabla hata ya kuonana na mchungaji.

Inaarifiwa kwamba alikuwa amepiga kambi katika kanisa hilo tangu Jumapili.

Mwinjilisti Ezekiel anaamuru idadi kubwa ya wafuasi na anapendwa na wengi kwa miujiza anayodaiwa kufanya.

Kulingana na ripoti ya polisi iliyowasilishwa katika Kituo cha Polisi cha Kiembieni mnamo Desemba 6, 2021, na mzee wa kijiji David Charo, Waithera alipatikana akiwa amekufa kwenye veranda na watu wadadisi wa umma.

Read also

Spika Muturi Asema Wakenya Watafanya Makosa Makubwa Kumchagua DP Ruto Awe Rais

Mwili wa marehemu umepelekwa katika chumba cha kuhifadhia maiti cha Hospitali Kuu ya Pwani ukisubiri uchunguzi wa maiti.

Wanaume wawili walipigwa risasi na kujeruhiwa walipokuwa wakisherehekea ushindi wao nje ya mahakama katika Kaunti ya Kiambu mnamo Alhamisi, Desemba 2.

Polisi walithibitisha kisa hicho na kufichua kuwa wameanza uchunguzi kuhusu kisa hicho kilichotokea nje katika mahakama ya Gatundu.

Kulingana na mashahidi, wawili hao walikuwa wakisherehekea uamuzi uliogemea upande wao kuhusu kesi ya ardhi waliyokuwa wakifuatilia.

Lakini furaha yao iligeuka kuwa huzuni wakati wanaume wawili waliokuwa kwenye pikipiki walipowakaribia.

Ghafla walipowafikia walisimamisha pikipiki yao karibu na wawili hao waliokuwa karibu na mti na kisha wakawafyatulia risasi miguuni mwao na mikononi.

Washukiwa hao mara moja walihepa na kuwaacha wawili hao na majeraha mabaya.

Francis Muhoho, chifu wa lokesheni ya Kiranga, aliambia wanahabari kuwa waathiriwa walikimbizwa katika Hospitali ya Gatundu Level Five ambapo kupokea matibabu.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.

Source: Tuko

LEAVE A REPLY

Please enter your comment!
Please enter your name here