Magazeti ya Jumatano, Aprili 22: Bei ya mafuta kupungua maradhufu Kenya

Huku taifa likiendelea kutoa kila rasilimali katika vita dhidi ya janga la virusi vya corona, magazeti ya Jumatano, Aprili 22, yanaripoti kuwa juhudi zake zinatatizwa na mafuriko na maporomoko ya ardhi ambayo imewaacha wengi bila makao na kuangamiza maisha ya watu 12.

Magazeti haya pia yameangazia kwa kina maana ya kupungua maradhufu kwa bei ya mafuta kwa Wakenya baada ya kuibuka kuwa wauzaji wa mafuta wanakosa mahali pa kuhifadhi mafuta hayo kwani uagizaji umepungua.

Habari Nyingine: Korti yaidhinisha kukamatwa kwa Cyprian Nyakundi kwa kuchapisha habari feki

Magazeti ya Jumatano, Aprili 22

Magazeti ya Jumatano, Aprili 22.
Source: UGC

Habari Nyingine: Video: Watu 50 wahepa karantini KMTC

1. People Daily

Gazeti hili linavunja matumaini ya amri ya Rais Uhuru Kenyatta ya kuingia na kutoka Nairobi kuondolewa mnamo Jumatatu, Aprili 27.

Hata hivyo, Katibu Mkuu wa Usalama wa Ndani Karanja Kibicho, alisema huenda serikali ikaweka mikakati zaidi Jumatatu katika njia ya kuzuia ueneaji wa virusi hivyo ambvyo sasa vimefika mashinani.

Kulingana na People Daily, Nairobi na Mombasa ndizo zinakumbana na uwezekano wa shughuli zote kufungwa.

Kulingana na Waziri msaidizi wa Afya, Mercy Mwangangi, Mombasa inarekodi idadi kubwa ya maambukizi tangia wakazi kuanza kuambukizana.

Mwangangi alisema idadi hiyo inatazamiwa kuongezeka na hii itachochoea masharti makali zaidi kutekelezwa ili kudhibiti kusambaa kwa ugonjwa huo.

2. Taifa Leo

Mwathiriwa wa virusi vya corona kutoka mtaa wa Buruburu jijini Nairobi amewaomba Wakenya kutilia maanani maagizo yanayotolewa na wizara ya afya ili kuepuka ugonjwa huo ambao ni chungu.

Faith Gaci, 28, alisema kuwa alipata virusi hivyo kutoka kwa mmoja wa mwajiriwa wake ambaye aliambukizwa na mume wake aliyerejea nchini kutoka ughaibuni.

Gaci, ambaye hushughulika na bidhaa za matibabu, alisema mwajiriwa wake hakuwa na dalili zozote za ugonjwa huo.

Hata hivyo, ugonjwa huo ulimweka chini katika kituo cha kutengwa katika Hospitali ya Kitaifa ya Kenyatta ambapo alilazwa kwa siku 31.

Kudhibiti joto jingi mwilini, maumivu ya kichwa na kikohozi chungu, alisema madaktari walikuwa wanatumia njia ya mdomo na ya mishipa kumpatia dawa pamoja na wagonjwa wengine watano katika chumba kimoja.

3. The Star

Ugonjwa unaosambaa kwa haraka wa virusi vya corona umelemaza Agenda Kuu Nne ya Rais Uhuru huku pesa zilizokuwa zimetengewa miradi hiyo kuu nne ya maendeleo, usalama wa chakula, ujenzi wa nyumba na viwanda, sasa zimewekwa katika vita dhidi ya virusi hivyo.

Baadhi ya bajeti ya miradi hiyo imepunguzwa ikiwemo reli ya abiria jijini Nairobi ambayo ilikuwa imetengewa KSh 4.6 bilioni, nyumba za bei nafuu (KSh 5 bilioni) na KSh 21.4 bilioni ya Afya.

Miradi zingine zilizoathirika ni pamoja na laini ya umeme jijini Nairobi ya 220kv (KSh 2.5 bilioni), Konza ICT(KSh 1.8 bilioni), na mapipa ya pili ya mafuta ghafi (KSh 7.2 bilioni.)

4. The Standard

Kando na imani kuwa wanaume ni hafifu wakati wa kutafuta msaada wa matibabu wakati ni wagonjwa ama wanahisi kuwa wagonjwa,imeibuka kuwa wanaume wengi wanapiga sana nambari ya usaidizi ya COVID-19.

The Standard inaripoti kuwa robo tatu ya wanaopiga nambari hiyo ya 719 wengi ni wanaume kutoka maeneo ya Magharibi na Bonde la Ufa.

Data kutoka kitu hicho inaonyesha kuwa simu 20,000 zinazopokelewa kila siku 54% zinahusiana na janga hilo.

Kituo hicho pia hupokea kati ya jumbe 100,000 na 200,000 kupitia *719#.

Baadhi ya wale ambao hupiga simu hutaka kujua namna wamejiandaa kukabiliana na janga hilo, wengine hupiga kwa niaba ya wenzao, wengine hupiga kusema dalili wanazokumbana nayo huku mwingine akipiga kusema ana tiba.

5. Daily Nation

Daily Nation inaripoti kuwa Wakenya wanatazamia kushuhudia kupungua maradhufu kwa bei ya mafuta katika miezi michache ijayo kutokana na kupungua kwa uagizaji wa bidhaa hiyo ulimwenguni.

Mnamo Aprili 14, Bodi ya Kusimamia Kawi (EPRA) ilipunguza bei ya petroli, dizeli na mafuta taa ambapo kwa sasa zinauzwa KSh 92.87, KSh 97.56 na KSh 77.28 mtawalia.

Kulingana na gazeti hili, bei hiyo itapungua zaidi kwani bei ya mafuta ilichochewa na ushuru mpya mnamo Februari.

Mnamo Februari, bei hiyo bado ilikuwa ghali na hivyo Kenya inatazamia bei ya bidhaa ya mafuta kupungua mwezi Juni na Mei.

Hali hiyo pia inatazamia bei ya bidhaa zingine kupungua na pia gharama ya maisha.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.

Subscribe to watch new videos

LEAVE A REPLY

Please enter your comment!
Please enter your name here