Keyateka Mwenye Tabia za Ufisi Dagoretti Aangushiwa Makonde Mazito

Sinema ya bwerere ilitokea katika ploti moja mtaani Dagoretti, Nairobi baada ya keyateka kuangushiwa kichapo na mpangaji kwa kumvizia mkewe.

Semasema za mtaani humo ziliarifu kwamba tabia ya barobaro huyo ilikuwa imewachosha wapangaji wengi.

Keyateka Mwenye Tabia za Ufisi Dagoretti Aangushiwa Makonde Mazito
Keyateka Mwenye Tabia za Ufisi Dagoretti Aangushiwa Makonde Mazito. Picha: UGC.
Source: Facebook

Kulingana na Taifa Leo, keyateka huyo alikuwa akibisha mlango wa jamaa wakati alikuwa kazini na mama nyumba anamkaribisha kwa mikono mwili.

Inasemekana majirani walichoshwa na vituko vya wawili hao na ndiposa wakaamua kumpigia mwenye nyumba simu akiwa kazini kumweleza yaliyokuwa yakitendeka kwake.

Inasemekana lofa alianzisha uchungzu wake pole pole na alipothibitisha yalikyokuwa yakiendelea alimkabili catetaker vilivyo na kumlisha kichapo cha mbwa.

Mwanamume gumegume usiye na heshima! Sijakutwanga sawasawa bado! Nimekuonjesha kichapo tu. Siku nyingine nikiskia umeonekana kwangu, nitakutoa utumbo wote,” mume wa mama alinguruma.

Duru zinaarifu kwamba jamaa alijikunyata kwa woga kama kuku aliyenyeshewa kutokana na aibu kubwa aliyopata huku akijitetea kwamba hakuwa na nia mbaya.

“Mpumbavu wewe! Hata baada ya kukufumania kwangu, bado unadhubutu kujitetea? Hata baada ya kukupata sebuleni kwangu ukinywa chai na mkate uliopakwa siagi bado unanikabili na kujitetea? Huna akili bwege wewe! Dawa ya wanaume sampuli kama yako ni kuadhibiwa kisawaswa ma hivyo ndivyo nitakavyokufanyia,” mume alionya.

Read also

Mlinzi wa Diana Marua Amzaba Kofi Shabiki Kwa Kukwamilia Mkono Wake

Hata hivyo, keyateka alisema ana uhuru wa kuingia nyumba yoyite aliyotaka katika ploti hiyo.

Maneno hayo yalimchoma mume huyo na kwa hasira akaingia chumbani mwake na kutoka na nyundo, lakini majirani walimzuia na kujaribu kumtuliza hasira.

“Tafadhali rudisha silaha katika nyumba. Hasira ni hasara. Mwache huyu hajui mke wa mtu ni sumu. Tuliza hasira kisha utafute muda ili mketi pamoja na mtatue haya kwa njia ifaayo,” mmoja wa wapangaji alimsihi buda.

Jama alitulia akainamisha kichwa na kurejea ndani ya nyumba.

Siku chache baadaye inasemekana malori ya kubeba mizigo yalionekana nje ya ploti hiyo wapangaji wakihamia ploti zingine.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.

Source: Tuko.co.ke

LEAVE A REPLY

Please enter your comment!
Please enter your name here